Merangkum sebuah informasi perlu memenuhi prinsip 5W 1H, yang terdiri dari :
1. WHAT. Informasi tentang apa.
2. WHO. Siapa audien pelaku informasi tersebut.
3. WHEN. Kapan informasi itu terjadi.
4. WHERE. Dimana lokasi informasi terjadi.
5. WHY. Mengapa informasi tersebut harus disampaikan.
6. HOW. Bagaimana cara menyampaikan informasi tersebut disampaikan.
TUGAS!
Perhatikan dan bacalah dengan seksama bacaan di bawah ini.
Selanjutnya kerjakan persiapan presentasi dengan menentukan 5W 1H nya.
PETENG
Indra lagi asyik
ngelapi sepeda montore. Kabeh diresiki ora ana kang kliwatan. Sela-selaning
ruji uga ora keri. Tangan kiwane nyemproti nganggo cairan pengkilap logam.
Tangan tengene banjur ibut nggosoki nganggo suwekan kaos tilas sragam
bal-balane, bola-bali digosok. Indra mesam-mesem. Dheweke ngilo ing slebor
montore kang kincling meling-meling. Wayangane pancen katon cetha nanging
wujude ya pating plethot urut karo wujude slebor montor.Sirahe Indra dadi
dawa.Lucu.
"Wis jam
setengah pitu Ndra, ndang mangkat mengko telat!" Simboke Indra ngelingake
karo madhahi tela pohung ana ing bagor. Sedyane arep digawa menyang pasar.
"He emm...
iki ya wis arep mangkat, njaluk sangune Mbok!" Indra wangsulan karo ngadeg
nguncalake gombal suwekan ana pojokan.
"Kae anane
mung limang ewu, aku lagi arep adol tela iki ana pasar, muga-muga wae mengko
langsung didhuwiti" wangsulane Mboke Indra karo ubat-ubet naleni bagor isi
tela pohung.
"Ming
mangewu, entek nggo tuku bensin Mbok" Indra mecucu. Ora let suwe Indra wis
nyangklong tas ireng lecek. Ing pinggir ana gambar tengkorake. Motor banjur
distater, ora suwe Indra banjur nggeblas. Ibune gedhek-gedhek karo unjal
ambegan.
Tet...tet....tet
Swara bel sekolah
tandha mlebu wis muni. Swarane seru ngeget-ngegeti. Ngalahake swarane bocah
kang padha pating brengok ing latar sekolah. Bareng krungu swara bel banjur
pada baris urut ing ngarep kelase dhewe-dhewe. Jenenge bocah, wis baris ya isih
kober gojegan, geret-geretan. Siswa lanang-lanang ana saperangan kang pancen
rada nyebahi. Bocah-bocah mau lagi gelem anteng nalika weruh bapak ibu guru wis
metu saka ruang guru tumuju ing kelas.
"Sugeng
engjing para siswa" Bu Weni guru telas telu paring salam.
“Sugeng enjing
Bu...!” Para Siswa wangsulan.
"Sapa sing
ora mlebu dina iki?" Bu Weni mbacutke pitakon.
"Indra Bu, pun gangsal dinten!" Jatmika
ketua kelas atur wangsulan.
"Apo ana
sing ngerti neng ngendi Indra kok wis limang dina ora mlebu." Pitakone Bu
Weni meneh.
"Esti niku
sing ngertos Bu!" Bagiyo celathu.
"Boten ding
Bu, kula boten ngertos." Esti bocah wadon lemu ginuk-ginuk gage nrambul
matur gurune. Kanca-kancane ger-geran.
"Wis-wis
aja mbeda kanca to ora becik. Ya wis mengko dak rembugan karo guru BP." Bu
Weni ngendika.
Wulangan banjur
diwiwiti. Bocah-bocah banjur padha meneng ngatekake piwulange Bu Weni, guru ayu
tur pinter idholane bocah-bocah. Dina candake, langit mendhung. Dalan dalan
isih teles. Ing papan-papan legokan banyu katon isih ngembong. Udan bengi mau
sajake rada deres. Banyu-banyu udan kang ana ing godhong isih padha netes. Kaya
luh kang netes saka mripate mboke Indra kang bola-bali diusapi ngaggo kacu
kumal.
"Estu Bu
kula boten mangertos, menawi anak kula ngaten menika, lha wong menawi enjing
nggih pamitipun nggih sekolah, nggih sragam Bu, malah inggih nyuwun sangu
barang Bu.!” Mboke Indra crita ndrindhil.
"Inggih Bu
kulamangertos, nanging yektosipun makaten Indra sampun gangsal dinten boten
mlebet tanpa katrangan. Kamangka, kalih minggu malih sampun ulangan kenaikan
kelas. lha miturut data Indra dereng nate tumut
saben wonten ulangan harian menika rak mrihatosaken, mila lbu kula aturi
rawuh mriki supados mangertosi dhodhok selehipun kadadosan menika." Bu
weni njlentrehake kahanan.
Swasana ing
njaba saya peteng merga mendhunge saya kandel malah banjur grimis. Banyu udan
kang netes saka gegodhongan saya akeh kaya luhe Mboke Indra kang ora bisa
kabendung mrebes mili dleweran neng pipine. Wengi saya peteng. Kahanan sepi
nyenyet. Walang-walang kang biasane muni pada meneng. Kaya-kaya melu rumangsa
wegah arep pada gojegan. Wong ing Desa kemiri ya desane Indra padha milih kemul
sarung sinambi nonton televisi. Gardu sing biasane ger-geran uga sepi nyenyet,
kaya kuburan. Hawa adhem njekut. Nanging, ora mangkono swasan ing omahe Indra.
Hawane krasa panas.
"Lha kowe
ki kok ngapusi barang ta Ndra karepmu ki kepriye? Pamitmu jare sekolah ning
nyatane kowe ora tekan sekolahan. Simbok isin to le dipanggil neng sekolahan.
Simbok isin. Hara saiki dak takon ora sekolah ki kowe Iunga nyang ngendi?"
Mbok Indra ngedrel takon.
"Dolan"
Indra wangsulan cekak aos karo ethok-ethok bikut ndandani montore. Slebor
ngarep benthet entuk pojokan gardu wingi awan.
"Dolan...dolan
neng ngendi?" Mboke Indra takon maneh.
"Dolan ya
dolan." Indra wangsulan karo mecucu.
"Ndra
ngendikane Bu Guru UKK kari rong minggu yen kowe nganti ora sinau tenanan ya
ora bisa munggah kelas." Mboke Indra ngelingake
"Walah
Mbok, sinau ya munggah, ora sinau ya ro munggah, padha wae. Aku metu wae Mbok
saka sekolah!" Indra ngadeg ngukuti kunci-kunci. Kabeh diuncalake ing
kotak. Swarane pating krompyang.
"Metu....metu
piye ta Ndra mung kurang rong mingggu Ndra." Mboke Indra nyuwara rada
seru.
"Metu ya,
metu mbok aku wegah sekolah meneh. Aku ora bisa munggah. Kanca-kanca wis
kandha, Guru-guru ya ngono." Indra wangsulan seru karo mlaku metu nlesep
peteng ing wengi.
Mboke Indran
jegreg. Napase ngangsur-angsur. Dumadakan panyawange kumepyur banjur pet. Kabeh
peteng.
Dening
S. Yadi
Dari bacaan tersebut, silahkan berikan argumen jawaban menggunakan Bahasa Jawa tentang 5W 1H!
Ingat, jangan menjawab argumen hanya 1 atau 2 kata.
1. Informasi tentang apa yang bisa disampaikan kepada orang lain setelah membaca?
2. Informasi tersebut tentang siapa saja dan apa hubungannya?
3. Kapan waktu yang pas untuk menyampaikan informasi tersebut? sehingga mudah diingat penerima informasinya.
4. Dimana sajakah kejadian dalam bacaan tersebut?
5. Mengapa informasi tersebut penting disampaikan ?
6. Bagaimana cara menyampaikan informasi tersebut pada saat kondisi situasi pandemi wabah seperti saat ini?
Kirimkan jawaban melalui link berikut :
KIRIM JAWABAN
Selamat belajar.
#Jaga kebersihan
#Semoga selalu sehat
#Kita akan tetap baik baik saja
